Udarako Gau Luzeak- Vendetta

Argudiozko testua

                                              ZEZENKETAK

 

Gaur egun zezen festak oso ospetsuak dira Espainiako leku askotan zehar. Jende asko ikustera joaten da, afizioa oso handia da. Iritzi desberdinak daude, batzuk zezenketen kontra daude, beste batzuk, aldiz, haien alde, horregatik azkenaldian gai honen inguruan polemika handia piztu da. Hala ere, zezenketen kontra nago, guztiz kontra, eroen gauza dela uste dudalako.

Izaki bizidunak mina egitea oso txarto dago, kasu honetan zezenak tratu txarrak jasotzen dituzte. Egia da, gero odolkia jaten dugula baina niri gaizki iruditzen zaidana da animaliak sufritzen ikustea ikuskizun baten bitartez eta gainera, honetaz gozatzea. Azkenean, gu ere izaki bizidunak gara. Gainera, zezenen hilketa motela bada, sufrimendua gero eta handiagoa.

Arriskutsua da torerorentzat bere bizitza arriskuan jartzen duelako. Bai, biek bere arma dute defendatzeko, toreroak ezpata, eta berriz, zezenak adarrak. Baina, toreroak plazara irtetea aukeratzen du, horren ondorioz, diru franko irabazten du. Zezena, berriz, derrigortuta joaten da, gainera, gehienetan hiltzen da. 2008an 44 zezenketa ospatu ziren, ospakizun horietan 357 zezen izan ziren bizitza galdu zutenak. Hori astakeria iruditzen zait.

Zezenketen alde daudenak kultura, tradizioa eta artea dela diote horregatik, ohitura hori ezin da galdu, giroa oso polita sortzen delako plazan eta izugarria delako jendea zezenen aurrean korrika ikustea. Egia da kultura dela, baina, denboraren poderioz kultura asko sortu eta kendu izan dira, jendea aldatzen den bitartean gauza bera gertatzen da kulturekin. Erromatarren garaian, gladiadore borrokak oso ospetsuak ziren, baina orain ez dira onartzen. Orduan, orain zezenketak kultura izan arren, kendu beharko ziren. Katalunian adibidez kendu egin da. Animaliei ezpata bat ziztatzea ez da artea baizik eta tortura.

Zezenak hiru urterekin ateratzen dira plazara. Atera baino lehen erregeak bezala, izugarri ondo bizi direla esan ohi da. Jendeak ere esaten du zezenketarik ez bazen egongo zezenak desagertu egingo zirela. Zezenak zezenketak izan baino lehen ere bazeuden munduan. Zezenen etorkizuna hainbeste inporta bazaie, zergatik egiten dute hori haiekin? Zergatik ez dituzte askatzen?

Hori guztia dela eta, zezenketen kontra nagoela berriro esan behar dut. Jesus Mosterin bilbotar filosofoak esaten zuen bezala, itsuak ez bagara beti zezen torturaren aurka egon behar gara. Dena den, etorkizunean ikusiko dugu zer gertatuko den: zezenketak kenduko dira ala gaur egun bezala jarraituko dute?